CXXIV.

1324, August 12. Prag.

Das Prager Domkapitel transsumiert zwei päpstliche Privilegien für den Cistercienserorden von 1250 Sept. 25 und 1260 Jan. 10.

Nos Hynco divina miseracione prepositus, Woyslaus decanus, Thomas archidiaconus totumque capitulum Pragensis ecclesie, necnon magister Ulricus eiusdem ecclesie scolasticus, venerabili in Christo patri et domino, domino Johanne Pragensi episcopo, per sedem apostolicam a spiritualium et temporalium administratione suspenso episcopatus ipsius administratores in spiritualibus, fatemur et recognoscimus per presentes, nos anno domini millesimo trecentesimo XXIIII°. pridie Idus Augusti ad preces et instanciam venerabilis patris, fratris Fridrici abbatis monasterii in Sedlicz Cisterciensis ordinis Pragensis dyocesis, vidisse et auscultasse litteras Innocencii quarti et Alexandri quarti summorum pontificum cum veris bullis plumbeis et filis sericeis in nullo viciatas et omni suspicione carentes continenciarum subsequencium et tenorum: - No. XII. und No. XXII. - In cuius rei testimonium ad peticionem domini abbatis predicti predictas litteras de verbo ad verbum transscribi nostrorumque Pragensis capituli et administratoris predicti sigillorum fecimus appensione muniri. Datum Prage anno et die predictis.

Or. Perg. An Pergamentstreifen das S. des Kapitels und des Magisters Ulricus, beide mehr oder weniger beschädigt.

Codex Diplomaticus Silesiae, hrsg vom Vereine für Geschichte und Alterthum Schlesiens, Bd 10, Urkunden des Kloster Kamenz. Hrsg von Dr Paul Pfotenhauer, Breslau 1881.